Dear 12-Year-Old Me

To Dear 12-Year-Old Me

Main tumhe bohot kuch batana chahta hoon,
Bohot kuch samjhana chahta hoon.

Jiski fikr tumhe aaj hai, aaj se 10 saal baad wo bilkul be-wajah lagega tumhe.
Tum roye ho jis wajah se, us par hasoge 10 saal baad.

Jo fikr hai, chhod do ab rehne do usse tum.
Bas fikr karo tum apni aur apne parivaar ki.

Aur jo ja raha hai, usse tum rokna nahi ab bilkul bhi,
Kyuki wo rukega nahi 10 saal baad bhi.

Wo jaana chahta hai, usse jaane do.
Usse rok kar tum kuch bhi haasil nahi kar paoge.

Aaj nikal rahe hain aansu uske jaane se, to nikal lo,
Taki tum pachtao na 10 saal baad bhi.

Sabka kehna mat suno, har koi tumhara bhala nahi sochega.
Apne goal par focus karna, wo karna jo tumhe accha lagta hai.

Apna career khud se choose karna,
Kisi ke kehne mein mat aana bilkul bhi.

Jo tumhara bhala chahta hai, usse pehchaano,
Uske saath raho, usse baatein karo.

Suno, tum giroge kai baar, kai baar thokar lagegi tumhe,
Par tum rukna mat, uthna aur badhna. Tum kar loge, main jaanta hoon.

Jisse tum abhi jaan samajh rahe ho,
Wo jaan le lega tumhari, yakeen maano.

Phir tum khud ko sambhaal bhi nahi paoge.
To usse chhod do, aage badho.

Kai log tumhe accha-bura batayenge,
Kuch girayenge, kuch uthayenge.

Pehchaan sirf tumhe hoga, kaun tumhara apna hai.
Maa-baap se apne dil ki baatein kiya karo.

Fikr hai unhe tumhari, iska ehsaas tumhe baad mein hoga.
Jab tum thak kar aaoge kahin se, tumhe sukoon ghar par hi milega, yakeen maano.

Tum ghar se bhaaga mat karo,
Chhoti chhoti baaton ko dil se lagaya mat karo.

Tum kar loge, wo jaante hain,
Par tumhara pareshan hona unse dekha nahi jata.

Tum dheere dheere aage badho, ek saath sab leke mat chalo.
Wahi karo jisme tum maahir ho, jisme tumhara dil lagta hai.

Tum kar loge sab haasil, yakeen maano.
Girna, uthna, bhaagna, par harna nahi tum kabhi bhi.

Tum sab karna jo dil kare, taki tum pachtao nahi aaj se 10 saal baad.
Par haan, yakeen sab par nahi karna hai tumhe.

Apna raasta khud chunna hai tumhe,
Mushkil ho ya aasaan, apni manzil tanha tay karni hai tumhe.

Tum sab kar loge, hausla rakhna.
Tum yakeen maano, jeet jaoge, bas yakeen sab par mat karna.

You Might Also Like These:

2 line poetry for brother

islamic shayari 2 line

attitude shayri 2line

sad alvida poetry in urdu

sister shayari